დაიბადა 1935 წლის 5 მარტს ბათუმში. დაამთავრა მოსკოვის საკავშირო სახელმწიფო კინემატოგრაფიის ინსტიტუტის სარეჟისორო ფაკულტეტი ალექსანდრე დოვჟენკოს და მიხეილ ჭიაურელის ხელმძღვანელობით (1961), სადიპლომო ნამუშევარი მოკლემეტრაჟიანი ფილმი "ჯილდო". კინემატოგრაფისტთა კავშირის წევრია 1969 წლიდან. საქართველოს დამსახურებული არტისტი (1979). მიღებული აქვს პრიზები რიგის სპორტული ფილმების მესამე საკავშირო ფესტივალზე (1970). დსთ და ბალტიისპირეთის ქვეყნების XIV საერთაშორისო კინოფესტივალი “კინოშოკი”, ანაპა (2005) –ჟიურის სპეციალური პრიზი მამაკაცის მეორეხარისხოვანი როლის საუკეთესო შესრულებისთვის ფილმში "თბილისი–თბილისი". მუშაობს რეჟისორად კინოსტუდია "ქართულ ფილმში" (1961–წლიდან).
ხელოვანი
