დაიბადა 1924 წლის 17 დეკემბერს თბილისში. 1942–1943 წლებში სწავლობდა კინოსტუდიის სკოლაში. 1948 წელს დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი. 1949-1956 წლებში მუშაობდა სოხუმის დრამატულ თეატრში მსახიობად. 1959–1964 წლებში იყო კოტე მარჯანიშვილის სახელობის თეატრის მსახიობი. 1956 წლიდან მუშაობს მსახიობად კინოსტუდია "ქართულ ფილმში", ხოლო 1963 წლიდან რეჟისორად. ბათუმში ზ. ცინცაძესთან ერთად დაარსა "ხელოვნებათა ლიგა", რომელსაც თვითონ თავმჯდომარეობს. აფხაზეთის ავტონომიური რესპუბლიკის დამსახურებული არტისტი (1954). საქართველოს დამსახურებული არტისტი (1958). საქართველოს სახალხო არტისტი (1977). აფხაზეთის ავტონომიური რესპუბლიკის სახალხო არტისტი (1981).
ხელოვანი
