დაიბადა ქ.თბილისში 1928 წლის 23 ივნისს. 1951 წელს დაამთავრა თბილისის სახელმწიფო უნივერსიტეტის ისტორიის ფაკულტეტი. 1951-53 წლებში სწავლა განაგრძო მოსკოვის პედაგოგიური ინსტიტუტის ასპირანტურაში. 1953 წლიდან მუშაობდა მოსკოვის და თბილისის ცენტრალურ პრესაში. 1954 წლიდან კი გაზეთ "ზარია ვოსტოკას” საკუთარი კორესპონდენტია მოსკოვში. იგი პირველთაგანი იყო ვინც ქართული ტელევიზიის სათავეებთან იდგა. 1956 წელს მუშაობას იწყებს საქართველოს სახელმწიფო კინოკომიტეტის მთავარ რედაქტორად. 1971 წლიდან იგი კინოსტუდია "ქართული ფილმის” სასცენარო-სარედაქციო კოლეგიის წევრია. საქართველოს ხელოვნების დამსახურებული მოღვაწე, ღირსების ორდენის კავალერი. თბილისის საპატიო მოქალაქე (1998).