დაიბადა 1927 წლის 1 იანვარს დუშეთში. თბილისის 27-ე ქალთა საშუალო სკოლის დამთავრების შემდეგ სწავლობდა შოთა რუსთაველის სახელობის თბილისის თეატრალური ინსტიტუტის სამსახიობო ფაკულტეტზე. 1951-52 წ.წ. იყო ლადო მესხიშვილის სახელობის ქუთაისის სახელმწიფო თეატრის მსახიობი, 1953-56 წ.წ. - კოტე მარჯანიშვილის სახელობის თეატრის მსახიობი, 1957-62 წ.წ. - მოღვაწეობდა სახელმწიფო ფილარმონიაში, 1963-65 წ.წ. - სანკულტის თეატრში, ხოლო 1966 წლიდან - თბილისის მოზარდ მაყურებელთა თეატრში. საქართველოს დამსახურებული არტისტი (1956).