დაიბადა 1955 წლის 7 აგვისტოს თბილისში. 1979 წელს დაამთავრა თბილისის შოთა რუსთაველის სახელობის თეატრალური ინსტიტუტის კინოსარეჟისორო ფაკულტეტი (თენგიზ აბულაძის სახელოსნო). 1981 წლიდან მუშაობა დაიწყო კინოსტუდია "ქართულ ფილმში" რეჟისორად. საქართველოს სახელმწიფო და იაკობ გოგებაშვილის სახელობის პედაგოგიური პრემიების ლაურეატი (ფილმისთვის "იავნანა"), რუსეთის კინოაკადემიის პრემიის "ნიკე"-ს ორგზის ლაურეატი - 1987 წელს ნომინაცია "სცენარი" ფილმისათვის „მონანიება“ და 2011 წელს საუკეთესო უცხოური ფილმისათვის „ნეტავი იქ თეატრი არის?!“. საერთაშორისო კინოფესტივლების პრიზების მფლობელი პეზეროს (იტალია), ლაგოვოს (პოლონეთი), მოსკოვის, იალტის (რუსეთი), მონპელიე (საფრანგეთი), ვისბადენი (გერმანია.) და სხვა. 2005-2006 წლებში იყო საქართველოს კინემატოგრაფიის ეროვნული ცენტრის სამეთვალყურეო საბჭოს თავმჯდომარე. 2012 წლიდან FOLK-RADIO-ზე არის კინოგადაცემის წამყვანი.
2013-2016 წლებში, მუშაობდა  საქართველოს კინემატოგრაფიის ეროვნული ცენტრის დირექტორად.