ტრესტის ბიუროკრატი მმართველი სანდრო მოქალაქეებისთვის იშვიათად იცლის, მეუღლის მეგობარ ქალთან დროსტარებაზე კი უარს არ ამბობს. ქალთან ერთად მორიგი გასეირნების დროს სანდრო მანქანით ხბოს დაეჯახება და ეგონება, რომ ადამიანი იმსხვერპლა. მართლმსაჯულებას რომ გაექცეს, მთაში გაიხიზნება, მაგრამ შიში გატანჯავს და ჩვენების მისაცემად მილიციაში ნებაყოფლობით გამოცხადდება. როგორც კი გაიგებს, რომ ხბო შემოაკვდა და არა ადამიანი, ისევ გაბღენძილ ბიუროკრატად გადაიქცევა.
