დაიბადა 1937 წლის 13 იანვარს ქ. ტაშკენტში. მისი პირველი გვარია შპრინკი. 1960 წელს დაამთავრა საკავშირო კინემატოგრაფიის ინსტიტუტის სამსახიობო ფაკულტეტი (ბ. ბელოკუროვის სახელოსნო). იყო თბილისის გრიბოედოვის სახ. დრამატული თეატრის მსახიობი. 1960 წლიდან მუშაობდა კინოსტუდია "ქართულ ფილმში". 1980 წლიდან მუშაობას იწყებს მ. გორკის სახელობის კინოსტუდიაში მსახიობად. საქართველოს სახალხო არტისტი (1979). რუსეთის სახალხო არტისტი (2000). საკავშირო კინოფესტივალის ლაურეატი (1959).