დაიბადა 1890 წელს სოფ. ორბელში (ცაგერის რ-ნი). 1909 წელს დაამთავრა ფოთის გიმნაზია, 1913 წელს - ბერლინის საილუზიო მაგიური აკადემია (მიენიჭა მაგიის პროფესორის წოდება), 1924 წელს - ა. ფაღავას მიერ დაარსებული დრამატული სტუდია, 1938 წელს - ა. პუშკინის სახ. სახელმწიფო ინსტიტუტის უცხო ენების ფაკულტეტი. 1910-17 წ.წ. გამოდიოდა ქუთაისში გამყრელიძის კერძო ცირკში, როგორც ხუმარა. იგი ითვლებოდა ქართული ცირკის პირველ ხუმარად. პირველად კინოში ითამაშა 1913 წელს ხუმარა დენშჩიკის როლი ფილმში ”კავკასიის დაპყრობა”.