ფოთელ ვაჭარ ბახვა ფულავას შეუყვარდება ღარიბი მკერავი ქალი ესმა და ცოლად მოიყვანს მას. მოქეიფე და უქნარა იერემია წარბას ესმას ხელში ჩაგდება უნდა და რადგან ნებით ვერ დაითანხმებს, გაიტაცებს ქალს. მაგრამ მდევრები საშუალებას არ აძლევენ იერემიას, საწადელი აისრულოს. ბახვა სასიკვდილოდ დაჭრილ ესმას ტყეში იპოვის. ცოლის სიკვდილის შემდეგ ბახვას ცხოვრება აირევა, ლოთობას მიჰყოფს ხელს და ერთადერთი მიზანი ამოძრავებს შური იძიოს იერემია წარბაზე. ესმას სიკვდილის შემდეგ იერემიამ თავი შეაფარა ნათესავ ქალს ვალიდას, რომელიც დიდი გავლენით სარგებლობს "მაღალ საზუგადოებაში". ლამაზი და ცბიერი ვალიდა თავბრუს ახვევს მდიდარ მოხუცს, პოლკოვნიკ ლებოვს, და მისი მეშვეობით ახერხებს იერემიას გამართლებას. სასოწარკვეთილი ბახვა ფულავა მეგობრების დახმარებით შეიპარება იერემიას საძინებელ ოთახში და ხანჯლით კლავს მას. შემდეგ პოლიციაში გამოცხადდება და დანაშაულს აღიარებს.
ფილმები
