დაიბადა 1948 წლის 25 სექტემბერს თბილისში. 1971 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ჟურნალისტიკის ფაკულტეტი, 1979 წელს – შოთა რუსთაველის სახელობის თეატრალური ინსტიტუტის კინოსარეჟისორო ფაკულტეტი (თენგიზ აბულაძის სახელოსნო). 1977–2004 წლებში მუშაობდა ტელეფილმების სტუდიაში კინორეჟისორად. 1993–1994 წლებში იყო სტუდია ”ქართული ტელეფილმის” გენერალური დირექტორი.