დაიბადა 1892 წლის 31 მაისს ერევანში. ნამდვილი სახელი ამბარცუმ ნაზარიანი. 1914 წლიდან იაროსლავში გ. ლიბკენის სტუდიაში "ამო-ბეკ”-ის ფსევდონიმით დაიწყო მოღვაწეობა. 1915 წლიდან მოღვაწეობდა მოსკოვის, პეტერბურგის, ხარკოვის კინო სტუდიებში. 1918 წელს დაამთვარა მოსკოვის კომერციული ინსტიტუტი. 1921 წელს ჩამოვიდა თბილისში. დაინიშნა საქართველოს "განსახკომის” კინოსექციის, ხოლო შემდეგ "სახკინმრეწვის" დირექტორად, 1923 წლიდან მუშაობდა რეჟისორად. როგორც კინომსახიობს დიდი წარმატება მოუპოვა ევგენი ბაუერის, ივანე პერესტიანის და ვლადიმერ გარდინის ფილმებში მონაწილებამ. 1925 წელს მიიწვიეს ერევნის ახლად შექმნილი კინოსექციის ხელმძღვანელად. 1926 წელს მან გადაიღო პირველი სომხური ფილმი "ნამუსი". 1966 წლიდან კინოსტუდია "არმენფილმს" მიენიჭა ამო ბეკ–ნაზაროვის სახელი.