ფშაველი ჩონთა თანასოფლელ ბახას საცოლეს წაართმევს. ბახა შერცხვენას ვერ მოინელებს და შურის საძიებლად დახმარებას ქისტებს სთხოვს. ურჯულოებთან კავშირისა და მოძმეთა ღალატისთვის თემი ბახას მოკვეთას გადაწყვეტს. ბახას დაცვას ჩონთა შეეცდება – ხევისბერს მისთვის შენდობას გამოსთხოვს, მაგრამ ბახა ქომაგობას იუკადრისებს, მეტოქეს მოკლავს და ქისტეთში გადაიხვეწება. სათარეშოდ გადმოსულ ფშაველებს თავს ქისტები დაესხმებიან. ხელჩართულ ბრძოლაში ბახა მიხვდება, რომ მისი ადგილი მოძმეთა გვერდითაა, ფშაველთა მხარეს გადავა და მათ გვერდით დაიღუპება.
