დაიბადა 1961 წლის 29 აგვისტოს თბილისში. 1979–1981 წლებში სწავლობდა თბილისის სერგო ზაქარიაძის სახელობის კულტურულ საგანმანათლებლო სასწავლებელში თეატრის რეჟისურის ფაკულტეტზე. 1983–1988 წლებში კიევის სახელმწიფო თეატრალური ინსტიტუტის კინოფაკულტეტზე – კინო–ტელე რეჟისურის სპეციალობით. 1978–1979 წლებში მოღვაწეობდა თბილისის ზაქარია ფალიაშვილის სახელობის ოპერისა და ბალეტის სახელმწიფო აკადემიურ თეატრში – რეკვიზიტორად, მხატვარ–დეკორატორის ასისტენტად. 1990 წლიდან სტუდია "ქართული ტელეფილმის" რეჟისორია, 1997 წლიდან არის საქართველოს ტექნიკური უნივერსიტეტის ჰუმანიტარული ინსტიტუტის აუდიო–ვიზუალურ ხელოვნებათა კათედრაზე შემოქმედებითი სახელოსნოს ხელმძღვანელი. საქართველოს კინემატოგრაფისტთა კავშირის წევრი (1996).