დაიბადა 1923 წლის 13 მარტს ქ. თბილისში. 1941 წელს ქუთაისის მელიტონ ბალანჩივაძის სახელობის სამუსიკო სასწავლებლის დამთავრების შემდეგ სწავლა განაგრძო ვანო სარაჯიშვილის სახელობის სახელმწიფო კონსერვატორიაში (ანდრია ბალანჩივაძის კლასი), რომელიც დაამთავრა 1946 წელს. 1968-1992 წლებში იყო საქართველოს კომპოზიტორთა კავშირის მდივანი. 1973 წლიდან კი კონსერვატორიის კომპოზიციის კათედრის პედაგოგი. საქართველოს ხელოვნების დამსახურებული მოღვაწე (1960). საქართველოს დამსახურებული არტისტი (1974). საქართველოს სახალხო არტისტი (1979). შოთა რუსთაველის სახელობის სახელმწიფო პრემიის ლაურეატი (1981). ღირსების ორდენის კავალერი (1997).