დაიბადა 1984 წლის 1 აგვისტოს, ქ. თბილისში. 2004 წელს დაამთავრა თეატრისა და კინოს სახელმწიფო უნივერსიტეტის სამსახიობო ფაკულტეტი. დამთავრებული აქვს კონსერვატორიასთან არსებული ექსპერიმენტული სამუსიკო ათწლედი - ვოკალის ფაკულტეტი. თეატრისა და კინოს უნივერსიტეტის დამთავრებისთანავე, 2004 წელს დაიწყო მუშაობა თეატრალურ სარდაფში. 2006 წლიდან მუშაობდა ალ. გრიბოედოვის სახელობის რუსულ დრამატულ თეატრში, 2007 წლიდან ნოდარ დუმბაძის სახელობის მოზარდ მაყურებელთა თეატრში, 2010 წლიდან თავისუფალ თეატრში. არის ტელეკომპანია "რეალ-TV"-ს დილის ეთერის წამყვანი.