დაიბადა 1936 წლის 27 აგვისტოს ქ. თბილისში. 1959 წელს დაამთავრა თბილისის სახელმწიფო უნივერსიტეტის ფილოლოგიური ფაკულტეტი (ქართული ენა და ლიტერატურა). 1967 წლიდან მუშაობს ტელევიზიისა და რადიომაუწყებლობის სახელმწიფო კომიტეტში, ტელევიზიის კინოგადაღებათა რედაქციაში. 1971 წლიდან – სასწავლო პროგრამებისა და სამეცნიერო გადაცემების მთავარ რედაქციაში, 1978 წლიდან 2006 წლამდე კომპანია "ქართულ ტელეფილმში" რედაქტორად. საქართველოს კინემატოგრაფისტთა კავშირის წევრი (1997). საქართველოს ჟურნალისტთა კავშირის წევრი (1991).