დაიბადა 1954 წლის 25 მარტს ქ. თბილისში. მისი პირველი გვარია მაცაბერიძე. 1987 წელს წარჩინებით დაამთავრა შოთა რუსთაველის სახელობის სახელმწიფო თეატრალური ინსტიტუტი. 1975-1996 წლებში მუშაობდა კინოსტუდია ”ქართულ ფილმში” ჯერ რეჟისორის ასისტენტად, ხოლო შემდეგ რეჟისორად. 1975 წელს დაარსა საქართველოში პირველი დამოუკიდებელი მოსწავლე-ახალგაზრდობის თეატრალური სტუდია და 2001 წელს კი საქართველოში პირველი ქართული ეროტიკული თეატრი. 1996-2001 წლებში მუშაობდა საქართველოს სახელმწიფო ფილარმონიის რეჟისორად და თბილისის კინოხელოვნების კოლეჯში რეჟისურისა და მსახიობის ოსტატობის პედაგოგად.