დაიბადა 1957 წლის 18 მარტს, ქ. თბილისში. 1981 წელს დაამთავრა თბილისის სამხატვრო აკადემიის სახვითი ხელოვნების ფაკულტეტი მხატვარ-გრაფიკოსის სპეციალობით, 1980-1982 წლებში კინო-ტელე ანიმაციის კურსი, კინოს დამდგმელი მხატვარი, უმაღლესი კატეგორია. 1981 წლიდან მუშაობდა კინოსტუდია "ქართული ფილმის" მულტიპლიკაციური ფილმების სტუდიაში მხატვრად და სცენარისტად, 1988-1989 წლებში ანიმაციურ ფილმებზე იმუშავა ბულგარეთის და ჩეხეთის სტუდიებში. 1981 წლიდან განხორციელებული აქვს რამდენიმე თეატრალური დადგმა საქართველოსა და გერმანიაში. 1983-2003 წლებში იყო სხვადასხვა ბეჭდვითი გამოცემების მთავარი მხატვარი, მხატვარ-დიზაინერი. 2006 წლიდან ტურისტული კომპანია "ალიონი-ტური"-ს დამაარსებელი და რეგიონალური მენეჯერი. 2007 წლიდან "კვირის პალიტრის" საგამომცემლო სახლის მხატვარი და სტუდია "ანიმა გეორგია"-ს დამაარსებელი. მონაწილეობდა რამოდენიმე პერსონალურ და ჯგუფურ გამოფენებზე. მიღებული აქვს სხვადასხვა კინოფესტივალის პრიზები.