დაიბადა ქ. თელავში 1898 წლის 18 აპრილს. დაწყებითი განათლება მიიღო თელავში, ხოლო 1911 წლიდან სწავლობდა ქ. თბილისის ქალთა მეორე გიმნაზიაში. ელენე ახვლედიანმა 1918 წელს დაამთავრა ნ. სკლიფასოვსკის სამხატვრო სტუდია, მხატვრის პედაგოგის კვალიფიკაციით და 1922 წლიდან სწავლა გააგრძელა თბილისის სამხატვრო აკადემიაში გ. გაბაშვილის კლასში. წლების განმავლობაში ცხოვრობდა და მოღვაწეობდა ევროპის ქვეყნებში. საქართველოს სახალხო მხატვარი (1960), რუსთაველის სახელობის პრემიის ლაურეატი (1971).