დაიბადა 1938 წლის 19 თებერვალს თბილისში. 1956–1960 წლებში სწავლობდა შოთა რუსთაველის სახელობის თეატრალურ ინსტიტუტის სამსახიობო ფაკულტეტზე (ლილი იოსელიანის და ალექსანდრე (საშა) მიქელაძის სახელოსნო). 1965–1970 წლებში ლენინგრადის (პეტერბურგი) თეატრის, მუსიკის და კინემატოგრაფიის სახელმწიფო ინსტიტუტის კინოსა და ტელევიზიის ფაკულტეტზე (ვადიმ გორლოვისა და ალექსეი რესსერის სახელოსნო). 1960–1961 წლებში იყო თბილისის მოზარდ მაყურებელთა თეატრის მსახიობი, 1961–1968 წლებში საქართველოს ტელევიზიის რეჟისორი, 1968–2004 წლებში საქართველოს სატელევიზიო ფილმების კინორეჟისორი. ავტორია წიგნების: "მახსოვს ხარაგაული" (2000), "9 მარტი 1956 წ. კადრსა და კადრს მიღმა" (2001), "გადაშენება" (2001), "არსად აღარ მეჩქარება" (2005), "მოგზაურობა წარსულში" (2006). არის საქველმოქმედო საზოგადოების "9 მარტი 1956 წელი" თავმჯდომარე, რომელიც დააარსა 1992 წელს.