დაიბადა 1894 წლის 25 ოქტომბერს ბელგოროდში. 1911–1913 წლებში განათლებას იღებდა სხვადასხვა ავიასკოლაში. 1914 წელს დაამთავრა ალექსეევსკის სამხედრო სასწავლებელი, 1916 წელს – საოფიცრო საჰაერო სკოლა. 1914–1917 წლებში მსახურობდა არმიაში. 1918–1924 წლებში მუშაობდა საჰაერო ძალებში სხვადასხვა თანამდებობებზე. 1925 წელს დაამთავრა მოსკოვის კინოტექნიკუმის ტექნიკური განყოფილება (შემდგომში მოსკოვის საკავშირო სახელმწიფო კინემატოგრაფიის ინსტიტუტის სარეჟისორო ფაკულტეტი). ტექნიკუმის პირველი თაობის კურსდამთავრებულებმა პირველი ფილმი თბილისში გადაიღეს. 1926 წლიდან იყო სხვადასხვა კინოსტუდიის ოპერატორი და პარალელურად კინემატოგრაფიის ინსტიტუტის პედაგოგი, პროფესორი 1940 წლიდან.