დაიბადა 1973 წლის 29 მაისს, ქ. თბილისში. 1994 წელს დაამთავრა თეატრისა და კინოს ინსტიტუტი, გელა კანდელაკის სახელოსნო. 1990–1994 წლებში მუშაობდა კინოსტუდია "ორბში" მხატვარ-ფაზიორად. 1994 წლიდან მუშაობდა მხატვარ ანიმატორად: კინოსტუდია "კვალში" (1994–2005), "მიფასი ფილმ"–ში (2010), სხვადასხვა ანიმაციურ სარეკლამო ფილმებსა და ანიმაციურ სატელევიზიო სერიალებზე (1994 წლიდან - დღემდე). 1997 წელს ანიმაციურმა სარეკლამო ფილმებმა კომპანია "ქართუ"–სთვის (რეჟ. რატი ნანეიშვილი) გაიმარჯვა თბილისისა და კიევის სარეკლამო ფილმების ფესტივალებზე, ხოლო 1998 წელს ნომინირებული იყო სარეკლამო ფესტივალზე ქ. ჰელსინკში.