დაიბადა თბილისში 1957 წლის 3 ოქტომბერს. დაამთავრა თბილისის 54–ე საშ. სკოლა და მ. ბალანჩივაძის სახ. მესამე მუსიკალური სასწავლებელი. ამავე წელს სწავლა განაგრძო შ. რუსთაველის სახ. სახელმწიფო თეატრალური ინსტიტუტის სამსახიობო ფაკულტეტზე. 1980–93 წ.წ. მუშაობდა რუსთაველის თეატრში მსახიობად. 1985–2002 წლებში შ. რუსთაველის სახ. სახელმწიფო თეატრალური ინსტიტუტის მეტყველების კათედრის პედაგოგია. 1996 წლიდან მუშაობს თეატრალური სკოლა–სტუდია "ბერიკების" პედაგოგად. 2003 წლიდან ტელეკომპანია "მზის" კინოგახმოვანების სტუდიის მსახიობია.