ფილმის  მოქმედება  1916-­1917  წლებში ვითარდება. მთავარი გმირია ახალგაზრდა მუშა გარუნი ­ 1905 წელს დაღუპული რე­ ვოლუციონერის შვილი. მეფის მთავრობის საწინააღმდეგო პროკლამაციების გავრცე­ლებისათვის გარუნს აპატიმრებენ. მეგობ­რების დახმარებით ის ახერხებს ციხიდან გაქცევას და რევოლუციურ საქმიანობას განაგრძობს. მისი საბრძოლო მოწოდებები დიდ  გამოხმაურებას  პოულობს  ფაბრიკა­ ქარხნების მუშებში და მეფის არმიის ჯა­რისკაცებში. სოფელში გარუნი გაიცნობს ადგილობრივ მასწავლებელს ალას, რომელიც მის აზრებს იზიარებს და თავადაც აქტი­ურად ებმება რევოლუციურ ბრძოლაში. მე­ფის "ოხრანკის" აგენტები შესაპყრობად დასდევენ გარუნს, მაგრამ ის ყოველთვის ახერხებს  მათი  ხელიდან  დასხლტომას. ოქტომბრის რევოლუციის შემდეგ მუშები და გლეხები საქართველოშიც აღსდგებიან კონტრრევოლუციური ძალების წინააღმდეგ. ამ ბრძოლაში იღუპება ალა. გარუნი სატ­რფოს ცხედრის წინაშე ფიცს დებს, რომ გამარჯვებამდე იბრძოლებს მშრომელთა განთავისუფლებისათვის.