კინომცოდნე
დაიბადა 1964 წლის 24 თებერვალს. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ხელოვნებათმცოდნეობის ფაკულტეტი, კინოხელოვნების განხრით. 1990 წლიდან მუშაობს კინემატოგრაფიაში. იგი არის თბილისში პირველი საერთაშორიისო კინოფესტივალის ჩატარების იდეის ერთ-ერთი ავტორი და ორგანიზატორი. 1992 – 1997 წლებში იყო შავი ზღვის აუზის ქვეყნების საერთაშორისო კინოფესტივალ “ოქროს-არწივის“ დირექტორი. 2000 – 2002 წლებში ხელმძღვანელობდა ნატო ვაჩნაძის სახელობის ქართულ კინოაკადემიას. 2002-2008 წლებში მუშაობდა კინოთეატრ “ამირანის“ არტ-მენეჯერად, პარალელურად ასწავლიდა შოთა რუსთაველის სახელობის თეატრისა და კინოს უნივერსიტეტში. 2002 წლიდან მუშაობს საქართველოს კინემატოგრაფიის ეროვნულ ცენტრში (კინოცენტრში),  კინოხელოვნების პოპულარიზაციის დეპარტამენტის უფროსად. საქართველოს კინოაკადემიის წევრი 2002 წლიდან.