დაიბადა 1936 წლის 15 აგვისტოს ქ. თბილისში. 1956 წელს დაამთავრა თბილისის უცხო ენათა ინსტიტუტის ინგლისური ენის განყოფილება. 1968 წელს დაიცვა საკანდიდატო დისერტაცია ხელოვნებათმცოდნეობის დარგში. 1974-1993 წლებში ეწეოდა პედაგოგიურ მოღვაწეობას თბილისის შოთა რუსთაველის სახელობის თეატრალურ ინსტიტუტში კინომცოდნეობის ფაკულტეტზე. იყო გაზეთ "ზარია ვოსტოკა"- ს ლიტერატურისა და ხელოვნების განყოფილების გამგე, გაზეთ "საბჭოთა კულტურის" საკუთარი კორესპონდენტი (თბილისში). არის ხელოვნებათმცოდნეობაში გამოცემული არა ერთი წიგნის და ჟურნალ-გაზეთებში გამოქვეყნებული უამრავი პუბლიკაციების ავტორი. საქართველოს ხელოვნების დამსახურებული მოღვაწე (1976).