დაიბადა 1971 წლის 17 ივლისს თბილისში. 1994 წელს დაამთავრა საქართველოს თეატრისა და კინოს ინსტიტუტი, გელა კანდელაკის და თამაზ გომელაურის სახელოსნო. 2001 წელს DAAD-ის სტიპენდიით გაიარა სტაჟირება მიუნხენის კინოსა და ტელევიზიის ინსტიტუტში. 1997 წელს მისმა ანიმაციურმა სარეკლამო ფილმებმა კომპანია ”ქართუ”-სთვის გაიმარჯვა თბილისისა და კიევის სარეკლამო ფილმების ფესტივალებზე, ხოლო 1998 წელს ნომინირებული იყო EPICA-ს სარეკლამო ფესტივალზე ქ. ჰელსინკში. სარეკლამო ფილმების გარდა გადაღებული აქვს ოთხი დოკუმენტური ფილმი.