დაიბადა 1905 წლის 1 სექტემბერს (ძველი სტილით 19 აგვისტოს) ქ. ხონში.. 1923 წელს დაამთავრა ბათუმის ჰუმანიტარული სასწავლებელი, ხოლო 1929 წელს თბილისის სამხატვრო აკადემია, იგი იყო ე. ლანსერეს და ი. შარლემანის მოწაფე (ფერწერაში), ქანდაკებაში მისი პედაგოგები იყვნენ ი. ნიკოლაძე და ნ. კანდელაკი. მუშაობდა "სახკინომრეწვში" კინოს მხატვრულ გამფორმებლად. საქართველოს ხელოვნების დამსახურებული მოღვაწე (1942).