დაიბადა ჭიათურაში 1906 წლის 16 იანვარს. 1925 წელს დაამთავრა ჭიათურის სამრეწველო ტექნიკუმი. და სწავლა განაგრძო თბილისის უნივერსიტეტის იურიდიულ ფაკულტეტზე. პარალელურად იყო მსახიობი პროლეტკულტის წითელ და სანიტარული აგიტაციის თეატრებში.1931–1946 წლებში იყო თბილისის მოზარდ მაყურებელთა თეატრის წამყვანი მსახიობი და სადადგმო ნაწილის გამგე, ხოლო 1946 წლიდან გარდაცვალებამდე მოღვაწეობდა სოხუმის ქართული დრამის თეატრში მსახიობად. საქართველოს დამსახურებული არტისტი (1950). გარდაიცვალა 1956 წელს.