დაიბადა 1978 წლის 17 სექტემბერს თბილისში. 1996–2001 წლებში სწავლობდა შოთა რუსთაველის სახელობის თეატრისა და კინოს სახელმწიფო უნივერსიტეტის კინომცოდნეობის ფაკულტეტზე. 1999–2000 წლებში – ნიუ იორკის მედიის ხელოვნებისა და მენეჯმენტის სკოლაში. 2004 წელს დაამთავრა საქართველოს საზოგადოებრივ საქმეთა ინსტიტუტი, კავკასიის ჟურნალისტიკისა და მედია მენეჯმენტის სკოლა. 1995–1996 წლებში მუშაობდა კინოსტუდია "აჭარაში". 2005–2006 წლებში – "მწვანე ტალღის" მაუწყებლობის მენეჯერად. 1998 წელს შეყვანილია გინესების რეკორდების წიგნში, როგორც მსოფლიოში ყველაზე ახალგაზრდა რეჟისორი. 1996 წელს ფილმმა "მონატრება" დაიმსახურა ფორტ ლიუდრედეილის (აშშ) საერთაშორისო კინოფესტივალის ჟიური სპეციალური პრიზი საუკეთესო რეჟისორული ნამუშევრისათვის.