დაიბადა 1922 წლის 25 აპრილს თბილისში. 1942 წელს დაამთავრა თბილისის შოთა რუსთაველის სახელობის თეატრალური ინსტიტუტის სამსახიობო ფაკულტეტი, 1947 წელს – მოსკოვის თეატრალური ინსტიტუტის სარეჟისორო ფაკულტეტი (ხელმძღვანელი ნ. გონჩაროვი). მოღვაწეობდა რუსეთსა და ბალტიისპირეთის თეატრებში. 1948 წელს ბრუნდება სამშობლოში და აგრძელებს აქტიურ სარეჟისორო მოღვაწეობას კოტე მარჯანიშვილის სახელობის თეატრში. 1952–1955 წლებში თბილისის რუსული მოზარდ–მაყურებელთა თეატრის დამდგმელი რეჟისორია, სადაც განხორციელებული აქვს ათზე მეტი დადგმა.