დაიბადა 1940 წლის 22 თებერვალს ქ. თბილისში. მუსიკალური სკოლიდან, პედაგოგ მანია ამირხანოვას რეკომენდაციით, მიიწვიეს სოფოს როლის შემსრულებლად ფილმში ”მაგდანას ლურჯა”. 1965 წელს დაამთავრა თბილისის სახელმწიფო კონსერვატორია, ფორტეპიანოს ფაკულტეტი. არის მე-8 სამუსიკო სკოლის ფორტეპიანოს მასწავლებელი. შექმნილი აქვს საფორტეპიანო პიესები სასკოლო ასაკის მოსწავლეთათვის და სიმღერები ბავშვებისათვის, როგორც საბავშვო ბაღის ასაკის ასევე მოზარდებისათვისაც. 1990-2000 წლებში უძღვებოდა საბავშვო ანსამბლ ”აბლი-ბაბლის”.