მსოფლიოში მხოლოდ რამდენიმე ქვეყანაა დარჩენილი, სადაც მომთაბარე მესაქონლეობას კვლავ მისდევენ. ერთ–ერთი მათგანი საქართველოა. ადამიანებისა და პირუტყვის მოძრაობა ზაფხულის და ზამთრის საძოვრებს შორის სეზონურია და მიყვება ბალახის ზრდით განპირობებულ მარშრუტებს. მათ ათასწლეულების ისტორია და სასიცოცხლო მნიშვნელობა აქვს აქაური მეცხვარეებისთვის. მომთაბარეების მეგზურები არიან დარი და ავდარი, პირუტყვის დაავადებები და მგლები. სუსტები ამ გზაზე ვერ გადარჩებიან. მის გავლას ათასწლეულობის მანძილზე დაგროვილი ცოდნის გამოყენება სჭირდება.
